GoGo Blog

Над руу битгий хар

http://loflof.blog.gogo.mn — Sun, 7 Feb 2010 23:46:47 ULAT

Залуу минь над руу битгий хар

Зүрхийг чинь зүсэх үг хэлж би магад

Зөөлөн уруулаараа намайг битгий үнс

Зугаа төдийд үзээд зугтчихаж би магад

Нойроо хугаслан байж намайг битгий бод

Нэг л өдөр чамайг орхиод явж мэднэ би

Инээдэнд минь хууртаж надад бүү дас

Итгэл сэтгэлийг чинь эвдэж мэднэ би

Сэтгэлд минь илүү орон зай байхгүй учир

Сэмэртэл уярч хайрлаж би чадахгүй

Бие минь чамд очивч

Зүрх минь өөр хүнийх

Тийм болохоор намайг бүү хайрла

Тэвчихийн аргагүй муу хүн би...

Сонголт ганц байдаггүй ч...

http://loflof.blog.gogo.mn — Sun, 24 Jan 2010 23:51:09 ULAT

Сонголтоо гэжж... Сая нэг кино үзлээ л дээ. Тэгсэн ингэж байхын.

Нэг бүсгүй дунд сургуульд байхдаа нэг залууг олж харжээ. Түүнийг нууцхан хайрлаж, түүнтэй бас ч гэж үерхэж. Гэвч залуу түүнээс салахыг хүсэв. Бүсгүй түүнд маш их хайртай. Түүний төлөө гүйж байгаад осолд орж түүний амьдрал 9 жилээр үсрэлт хийж. Тэр ирээдүйгээ харав. Хэрэв тэр түүнтэй суувал залуу түүнийг хайрлаж, хөөрхөн хүүтэй болоод сайхан амьдрах боловч түүнд 8 жилийн нас байгаа. Харин түүнтэй суухгүй бол магадгүй өөр хүнтэй суугаад үхэхгүй. Харин тэр хайртай залуугаа сонгосон. Учир нь тэр түүний цорын ганц хайр, түүний амьдралын утга учир түүнд л байх. Тэр нэг л олдох амьралдаа тэр л утга учрыг хүссэн.

Тэгээд би бодлоо. Би ирээдүйгээ харсан бол ямар сонголт хийх байсан бэ гэж. Түүнтэй учирч, хамт амьдран, аз жаргалтай олон мөчүүдийг хамтдаа туулан хөөрхөн хүүтэй болоод 8 жилийн дараа салан одох, эсвэл өөр хэн нэгэнтэй амьдраад салахгүй урт удаан амьдрах сонголтыг харсан бол... Би эргэлзэлгүй түүнийг сонгох байсан. Учир нь би түүнд аль хэдийн дурлачихсан байсан болохоор, түүнгүйгээр амьсгалж ч чадахгүй санагддаг байсан болохоор, бас хайртай түүнээсээ хөөрхөн хүүтэй болох болохоор түүнийг л сонгох байсан. Харин ирээдүйгээ харсан бол түүнийг илүү их хайрлах байсан, хором мөч болгоныг хамт өнгөрөөж эрхлэх байсан, хамтдаа далай руу явж хайртай хүүгээ дүүтэй болгох байсан. Би тэгж л харамсана. Түүнтэй яах гэж учрав гэж нэг ч удаа бодож байгаагүй болохоор тэр миний сонголт байсан...

Элэг зүрхний уяа минь...

http://loflof.blog.gogo.mn — Tue, 12 Jan 2010 23:37:52 ULAT

Элэг зүрхнээс уяатай

Энхрий Монгол орон минь...на на на

Та нар намайг дууны тухай ярих гэж байна гэж бодсон уу. Хүүхдүүддээ өнөөдөр элэг гэдэг эрхтэний тухай товчхон ярьж өгье.

Эрт дээр үеэс Монголчууд элэг гэдэг эрхтэнг маш ихээр хайрлаж ирсэн гэнээ. Учир нь элэг бие махбодийн хэрэггүй зүйлсийг шүүхээс гадна хайрлах, хүндлэх, гомдох, гуних мэдрэмжийг маш ихээр төрүүлдэг эрхтэн гэнэ. Бүр зүрхнээс илүү шүү. Тийм ч учраас хайр сэтгэл, ураг садан, эх нутгаа шүтэх сэтгэлийн үгсийг элэгтэй холбоотойгоор хэлж байсан байна. Жишээ нь:

- Элэг бүтэн амьдрал

- Элгэн саднаараа

- Харь элгийн биш халуун элгийн

- Элэг зүрхний хайрт

- Халуун элгэн нутаг

- Элэг буруу хүүхэд

- Элгээ дэвтээж явна даа

- Элэг эмтэрмээр гэх мэт.

Түүнчлэн хүнийг маш ихээр санаж бэтгэрэхэд элэг өвчилдөг гэнэ. Хэн ч билээ нэг хүн Сэтгэл гэдэг эрхтэн гэж хэлсэн байдаг. Тэгвэл элэг сэтгэлтэй салшгүй холбоотой болохнээ. Үүнийг Монголчууд маань маш эртнээс мэддэг байж. Бодоод байхаар үнэн ч юм шиг. Та нар маш их баярлах, гомдох, гуних үед зүрх чанга хурдан цохилохын хажуугаар элгэн тус газар чинь нэг тийм хүнд оргих гэхийм үү тийм мэдрэмж төрдөг үү?

Сайхан байноо сайхан байна ,,, өгмөөрчим шиг ккк.

http://loflof.blog.gogo.mn — Sat, 2 Jan 2010 16:07:27 ULAT

За бүгдээрэнд нь 2010 оны мэнд хүргэеээ. Энэ жилийн шинэ жил сто гоё содон шинэ жил боллоо. Би жил болгоны шинэ жилийг гэрийнхэн, ах эгч нтр-тэйгээ тэмдэглэдэг байсын. Харин энэ жил сто санаандгүй байж байгаад блог найзуудтайгаа гаргачихлаа. Яриул их урт түүхээ гэсс ккк.

Ингэсийн ер нь бол Болдууш, 7, Анчин, Дсп, Ундирга эд нараас болсын. Тэр хэд гэрээр явж хүүхдэд бэлэг өгнө гэхээр нь ирнэ гэж бодоол хоол унд нтр аягүй их зэхээл хүлээжээсэн чинь чадахаа байлаа гэдийн. Тэхээр нь за за тэгүүл нэг мөсөн найзуудаа дуудчий гээд. Тээд хүлээжээсэн чинь Авдар Болдууш Янзага 3 ирлээ. Авдар өвлийн өвгөн, Болдууш санта, Янзага цасан охин болцон ккк.

Тээд Авдар ажил ихтэй гэсэн тул яваад өгсөн. Тээд Санбюти Аниме 2 ирээд. Сто гоё байсоон. Хамгийн гол нь хүү минь аав руугаа, харин аав эгчийнх рүү явцан байсан болохоор ганцаараа он гаргах нь гэж их сандарсы шүү.Он гаргачаад блогынхонтойгоо уулзаад сайхан байсоон сайхан байсан.

За тэгээд амжихгүй нь гэж байсан ч зорьсондоо хүрнэ гээд ирсэн Болдуушдаа, Янзагадаа, өвлийн өвгөн болж хүүгий минь баярлуулсан Авдардаа, бас хамтдаа он гаргасан Санбюти, Аниме 2-тоо чин сэтгэлээсээ баярлалаа гэж хэлье. Та хэдийн ачаар бас нэгэн мартагдашгүй шинэ жил гарлаа.

Хэцүү хүрээдийнаа

http://loflof.blog.gogo.mn — Wed, 23 Dec 2009 12:55:41 ULAT

Ёоо сто уур хүрж үхэхнээ. Би чинь яасан үйлийн үртэй амитан бэ? гээл сүржигнээд байхгүй юу. Тэхдээ л хэцүү хүрээдийнаа. Миний санхүүгийн программтай компьютер гэж нэг дундад зууны үеийн компьютер байдын. Солиод шинийг аваад өгөөч гэж захирлуудаас зөндөө гуйгаад сүүлдээ залхаад хаяцан.

Тэгсэн чинь1 дэх өдөр хүрээд ирсэн асахаа байчиж. Тээл нөгөөхөө тэврээд гүйдийн байгааздээ. Форматлахаас нааш асахгүй гэжийн. Санхүүгийн программын баазаа яаж авах уу гэсэн Д дээр нь байгаа бол яахчгүй гэхээр нь форматлуулааясс яасс. Энэ жил хийсэн бүх юм устааский. Ширээ мөргөөд үхчхийнсэн. Таньдаг мэддэг бүх хүндээ хандлаа. Тээд санхүүгийн программ мэддэг хүнээр сэргээлгэсэн нь дээр гээд найз маань 1 хүнтэй яриулж өгсөн. Тэр хүн нь 5 дах өдөр ирнэ гэнээ. 5 дах өдөр хүртэл айдастай, сэтгэл догдлолтой, хэцүү хүрэлттэй л суух нь дээ. Хамгийн аймар нь сэргэх магадлал 60-80% гэсэн. Сэргэхгүй бол хамаг юмаа хаяад шууд гадаад руу зугтнаа гэсс ккк. Одоо тээд бүгдий нь эхнээс нь хийж таарах байхдаа. За за түй түй сэргэнэ тэ. / Санаа алдав / Ёоо 5 дах өдөр хүртэл сэтгэлийн тэнхээ минь хүрдэг бол уу.

Онигоо гэхэд ч хаашааен

http://loflof.blog.gogo.mn — Fri, 18 Sep 2009 22:27:28 ULAST

Нэг залууд найз нь

- Хөөе хоол ирж байна

- Тээд надаа ямар хамаатай юм

- Чиний хоол байхгүй юу

- Тэгүүл чамд ямар хамаатайен?

Тал нь

Хотын 1 нэртэй сонинд << ... компаний ажилчдын тал нь тэнэг хүмүүс байдаг >> гэсэн нийтлэл гарчээ. ... компаний удирдлагууд гомдол гарган залруулга хийхийг шаардаж гэнэ. Маргаашийн сонинд << ... компаний ажилчдын тал нь ухаантай хүмүүс байдаг >> гэжээ.

Мөнгө шүүгээнд байсан

Оросын мафийн толгойлогч ДУМ-ын гишүүн болжээ. Гэтэл Оросын ерөнхий прокурор түүнийг хөрөнгө орлогын мэдүүлгээ өгөхийг шаардаж.

Шүүгч: - Та энэ их мөнгийг хаанаас авсан бэ?

Гишүүн: - Мөнгө шүүгээнд минь байсан

Шүүгч: - Тэр мөнгө шүүгээнд чинь яаж орсын?

Гишүүн: - Эхнэр тэр шүүгээнд хийсэн юм

Шүүгч: - Эхнэр чинь тэр мөнгийг хаанаас авсын?

Гишүүн: - Би түүнд өгсөн.

Шүүгч: - Танд хэн тэр мөнгийг өгсөн бэ?

Гишүүн: - Аан тэр мөнгийг би шүүгээнээсээ авсын...

Юу ч байхгүй

Нэг залуу хүнд зүйл үүрээд явж байтал найз нь ирээд туслая гэжээ. Залуу

- Гэхдээ надад чамд өгөх юм юу ч байхгүйшдээ гэхэд найз нь

- Зүгээрээ тэрийгээ л өгчих гэж. Тэгээд хүрэх газраа хүртэл найз нь

- Юу ч байхгүйгээ өгөөч гэхэд

- Юу ч байхгүйм чинь гээд маргалдаж маргалдаж Хожа Насреддин дээр ирээд учраа хэлээд маргааныг нь тасалж өгөөч гэхэд Хожа Насреддин жаахан бодсоноо найзад нь

- Тэр шуудайнаас нэхсэн юмаа авдаа гэж. Нөгөө залуу шуудайг уудлаж үзээд

- Энд чинь юу ч байхгүй байшд гэхэд Хожа Насреддин

- Тэгээд наадахаа аваач дээ.

Дээл

Хожа Насреддин мэргэн ухаантнуудын өмсдөг дээл өмсчихсөн сууж байтал нэг хүн ирээд

- Та надад яаж баяжихыг зааж өгөөч

- Мэдэхгүй

- Тэгвэл та яагаад ухаантнуудын дээл өмсчихсөн байгаа юм бэ?

- Чи өмсөөд ухаантай болох нь уу үгүй юу үзэхгүй юу.

Будаг

Хожа Насреддиныг хэр мэргэн болохыг нь үзэх гэж нэг хүн иржээ. Тэгээд

- Та надад энэ даавууг ертөнцөд байхгүй өнгөөр будаж өгөөч гэжээ.

- Тэгье тэгье

- Би хэзээ ирж авах уу

- Даваа, Мягмар, Лхагва, Пүрэв, Баасан, Бямба, Ням гаригаас бусад өдөр ирж аваарай.

Дургүй ( Асуулт )

Нэг радио санал асуулга явуулаад ийм дүгнэлт хийжээ. Эрчүүд бүсгүйчүүд хамт байхад эрчүүдийн ярьдаг 3 зүйлд эмэгтэйчүүд маш дургүй гэнэ.

Нэгт: Хөл бөмбөг тоглосоноо ярихад

Хоёрт: Цэрэгт байснаа ярихад

Гуравт: ... ( Юу гэж та нар бодож байна? )

Жоохон магтуулчий гэсс...

http://loflof.blog.gogo.mn — Mon, 14 Sep 2009 20:00:56 ULAST

За ингээд хүүхдүүд та нартаа хэд хоног нойр багатай хоносныхоо үр дүнг үзүүлий гэж бодоод / Аая аймар хөгшин хүн шиг хэлцэн үү ккк /. Энийг хамгийн хайртай хүндээ зориулсын. Даалин, тамхины уут / Гаанс нэрдэг дүнсэн тамхи хийдэг /

Ар талаасаа

Харин энийг бас нэг хайртай өвөөдөө зориулж хийсийн

Ар талаасаа

Энийг бас нэг өвөөдөө зориулж гэсс ккк. Олон өвөөтэй хүн чинь иймэрхүү юмыг хийгээ хийгээ явчхын байшд

Ар талаасаа

За харин энэ хэдэн олбогийг сайхан дээр нь сууж юмаа оёж байя гэж өөртөө зориулж хийсийн. Зөөлхөн бас дулаахан, чийг татку олон сайн талтай юм байлээ. Сандал дээр суухаас хамаагүй илүү.

Тээл би гэдэг хүн иймэрхүү юм хийгээл бэлгийн замаар тараагаал / бэлэглэсэн гэжаагаан шүү. Антидот мэтийн нөхдүүд үг мушгиадээв зүгээр/ явжийн. Тэгсэн чинь 1 эртний эдлэл зардаг дэлгүүрт орсон чинь нэг тиймэрхүү даалин 50 000 гэжийвэл яахуу. Бас тэр торго салонд ямар ч хээгүй мөртлөө гоё цэвэрхэн даалин 40 000 гэдэг юм билээ. Харин энэ сүүлийн олбог шиг олбог зах дээр 20 000 гэжийлээ. Тэхээр би хийгээ заруул яадаг бол гээл бодоодын. Тэхдээ тэд нар шиг үнэтэй зарку л дээ. За тээд би хийгээд хүмүүс авжийтал удах биздээ.

Нээрээ гоё хээ байвал өгч туслаач хүмүүсээ. Хээ сайн мэдкү хүн чинь юм хийх гэхээр хээ нь давхардчих гээд байхын.

1 нас

http://loflof.blog.gogo.mn — Wed, 2 Sep 2009 15:32:03 ULAST

Гэнэт бодсон чинь блог нээгээд яг жил болжоогоон байшд. Энэ жилийн хугацаанд блог гээч ертөнцөөс олон ч зүйлийг мэдэж, олон ч найз нөхөдтэй болжээ. Хөгжилтэй сайхан байсан шүү. Хараад байхад миний блог бусад хүмүүсийн блог шиг хэрэгтэй, сонирхолтой зүйл багатай ч гэсэн сэтгэл дотроо байгаа баяр гунигаа гаргаж бага бус тайвширлыг олж байсан болохоор наддаа л эрхэм зүйл минь билээ.

Өөрөө өөртөө баяр хүргэчилээ ккк. За яахуу яахуу гэсс.

Миний бяцхан зулзага том болж байна даа

http://loflof.blog.gogo.mn — Wed, 12 Aug 2009 08:30:04 ULAST

Өнөөдөр хүүгийн минь ТӨРСӨН ӨДӨР. 7 жилийн өмнө ээж болж хүүтэй хүндээ би гэж сэтгэл тэнийж байж билээ. Цаг хугацаа ч харвасан сум шиг өнгөрөх юмдаа. Хүү минь 7 нас хүрч байдаг. Өхөөрдөм жоохон гараараа намайг илж, зөөлөн хөөрхөн уруулаараа хацар дээр минь үнсэж - Ээждээ хайртай шүү гэж хэлэхэд нь хичнээн их хайр төрдөг билээ, амьдралын минь гэрэл гэгээ, гол утга учир болсон хайртай бяцхан хүүдээ ТӨРСӨН ӨДРИЙН МЭНД ХҮРГЭЕ.

Угаасаа би... ккк

http://loflof.blog.gogo.mn — Tue, 11 Aug 2009 08:30:20 ULAST

Ойрд завгүй ч гэхэд хаашааен завтай гэхэд ч хаашааен нээх сонин байнаа. Блогшиж ч чадку. Хүн амьтнаас тасраад. Юм хөдлөөд элийрээд балайраадаамаарчимшиг.

Хүмүүсийн машины дугаарын үсгийг харахаар эзнээ тодорхойлоодогоочимшиг. ккк

УБА - Угаасаа би аальгүй, Уусан байсан ч амжку

УББ - Угаасаа би бабник / банзал, Уулаасаа бүгдээрээ балиар, Ужид бодол бодогдоод...

УБГ - Угаасаа би гомо

УБЗ - Угаасаа би завхай, Уугаад бөөлжихөөрөө заваан

УБЛ - Угаасаа би лалар / Зараа шиг хэлжаагаа шүү ккк /

УБМ - Унтаад босохоороо мурьдаг

УБЧ - Угаасаа би чалхгүй, Угаасаа би чаддагчгүй

г.м ккк

Ганцхан удаа...

http://loflof.blog.gogo.mn — Mon, 27 Jul 2009 00:38:00 ULAST

Түүнийг санасаар...

Санаад утсаар ярьмаар...

Яриад гүйгээд очмоор...

Гүйж очоод уулзмаар...

Уулзаад нүдийг чинь ширтмээр...

Удаан хараагүй сэтгэлээ баясгамаар...

Харцаараа ярьмаар...

Хэдхэн үг ч болов сольмоор...

Гарыг чинь ганцхан удаа атгамаар...

Гал халуун сэтгэлийг чинь мэдэрмээр...

Энгэрт чинь наалдмаар...

Эрхэлж чамд тунимаар...

Ганцхан өнөөдөр хамт байгаач гэж хэлмээр...

Гарцаагүй сүүлийн удаа гэж гуймаар...

Уруул дээр нь шүргээд ч болов үнсмээр...

Уулзахгүй байж чадахгүй нь гэж шивнэмээр...

Хархан үсий чинь илбэмээр...

Хайрлаж тэгээд тэвэрмээр...

Хэн ч мэдэхгүй учирлыг амсмаар...

Халуухан өвөрт чинь жаргамаар...

Амгалан унтахыг чинь хармаар...

Аяархан босоод хувцсалмаар...

Сүүлчийн удаа гэж ширтмээр...

Шүүрс алдан гунигламаар...

Харанхуй өрөөнд орхиод гармаар...

Халуун нулимс унагамаар...

Эцсийн удаа гэж сэтгэлээ хуурмаар...

Эргэж харалгүй тэгээд явмаар...

Нойроо гэжж...

http://loflof.blog.gogo.mn — Wed, 22 Jul 2009 02:43:00 ULAST

Ойрд нээрээ блогоор шагайгаагүй. Шал өөр болцон байшдээ. Блогоо таньку хэсэг л харж суулаа ккк. Миний блог ч яахуу ямар олигтой байсан биш харин гоё гоё дизайнтай байсан Навч, Секрэтвиш, Хасар, Яахаас ч буцку залуус эдүүсийн блог сто хэцүү болсон байшд. Блогоо янзалдаг баатар болж суусан чинь бүткүн байна. Угийн энэ талаар мэдлэггүй хүн чинь. Харин зургууд нь гарку болохоор нь дахиа оруулы гэж бодсон чинь засах гэж ороод хадгалчихаар зүгээр болчлоо. За энэ ч яахуу. Сэдвээсээ хазайгаа явчиж.

Ойрд нээрээ нойргүйдээд гэцүүджийнаа. Гэхдээ нойргүйдэл гэхээр ч бас хаашааен. Оройны 7 - 9 цагийн хооронд аймар нойр хүрхийн тээд унтсан ч унтаагүй ч энэ үе өнгөрчүүл нойр хүрэхээ байгаад 2, 3 цаг хүртэл суужийшд. Унткаж янзүрээр оролдоод телвиз харжийн, ном уншжийн, орондоо ороод нүдээ аниад хонь тоолж үзжийн. Нэмэр алга. Унтуулдаг найдвартай арга байна уу. Өглөө боскож зовжийшд. Гэхдээ ч бас ашигтай байгаа ч юм шиг. Оёж дуусгаагүй удсан юмнуудаа оёлоо. Хэдэн олбог ч ширлээ. Дуусгачаад үзүүлнээ.

Ойрд нээрээ бороо яасан аймар оржийнаа. Түрүүчийн үерээр аймар аймар юм болсон л сонсогдохын. Айлын гэр урссан, хашаа нурсан, байшинд нь ус ороод нил шавар болсон, айлын хашаанд нас барсан хүн шавар дотроос цухуйж байсан гээл. Өнөөдөрчас бороо аймар орсон маргааш юу сонсогдох бол гээд айжил сууна. Ойрын өдрүүдэд иймэрхүү үер усны аюул их болох сурагтай. Болгоомжтой сэрэмжтэй байгаарай хүмүүсээ.

Бичсэн юмаа уншсан чинь нээх гэнэт сэрсэн хүн шиг юмнууд бичцэн байшд ккк. За за яахуу яахуу

Гал Үүл 2

http://loflof.blog.gogo.mn — Fri, 12 Jun 2009 03:43:00 ULAST

Уудам тэнгэрийн нэгээхэн хэсэгт Аадрын үүл аавтай, Сэмжин үүл ээжтэй Цагаан үүл амьдардаг байжээ. Тэр Цагаан үүл эрх дураараа нэгэн бөгөөд тэнгэрийн уудамд сэлгүүцэн зугаалан явах дуртай байж. Аав ээж 2 нь олон үүлэн дундаас хань олж өгөхийг бодсон боловч Цагаан үүл тэдний хэнийг ч тоодгүй байв.

Цагаан үүл өндөр уулын оройд суун орхиод одсон Аянгыг үе үехэн дурсаж зөөлөн бороо оруулан гуниглан суух дуртай байжээ. Нэгэн орой үүл зугаалахаар гарч яваад улаан шаргал туяа татуулан дүрэлзэн асах Галыг олж харжээ.

Галын дөл юутай үзэсгэлэнтэй. Тэр ширтэж суусаар өглөө болохыг ч мэдсэнгүй. Цагаан үүл шөнө болгон Галыг харахаар очдог болж. Тэгээд Галд хайртай болчихож гэнэ. Гал харин түүнийг анзаардаггүй байв.

Нэг өдөр Цагаан үүл суух дуртай ууландаа иртэл Гал маш ихээр уурлан цоролзож уулын энгэрийг бүрхэн байхыг олж харав. Цагаан үүл Галыг тайвшруулахаар зөөлөн бороо оруулж аргадаж гэнэ.

Гал зөөлөн бороонд тайвшран тэрхүү оруулж өгсөн Цагаан үүлийг олж харлаа. Цагаан үүл юутай сайхан дөлгөөн, сэтгэлд дотно санагдана вэ. Гал ч бас Цагаан үүлийг хайрладаг болов.

Тэд Цагаан үүлийн суух дуртай ууланд болзож Цагаан үүл манан болон сууж Галтай учирчээ. Тэдний учралыг мододоос өөр зүйл үл мэднэ.

Аадрын үүл Цагаан үүлийг хаашаа яваад байгааг мэдэхээр дагаж явав. Тэр Цагаан үүлийг Галд хайртай болсныг мэдээд ихээр уурлан аянга буулгахад аянгын дөлөөр Гал улам бадран асаж гэнэ.

Аадрын үүл аадар бороо оруулж Галыг даржээ. Тэгээд Цагаан үүлийг манан болж суухыг хориглов. Цагаан үүл Галыг маш ихээр санавч газар бууж чадахгүй, Гал Цагаан үүлийг бас санавч дүрэлзээд дүрэлзээд тэнгэрт хүрч чадсангүй.

Өдөр нь Цагаан үүл сиймгэр үүлсээр хээ урлан Галыг баясгаж, шөнө нь Гал улаан шаргал туяагаа татуулан дүрэлзэж Цагаан үүлийг баярлуулдаг болжээ.

Чамд би хайртай...

http://loflof.blog.gogo.mn — Sun, 7 Jun 2009 01:55:00 ULAST

Хайр чамайг би удаан хүлээсэнсэн

Харин чамайг байна гэж зүүдэлсэнгүй явлаа

Нэрийг чинь сонсох бүр сэтгэл догдолж

Нэг л дотно мэдрэмж сэтгэлд төрөх юм.

Ганцхан чамтай л уулзахаар яарахдаа

Гуниг баяр бүгдийг хослуулан алхдаг

Харцаараа хэлэх үг болгон чинь

Хайртай гэх шиг намайг баярлуулдаг

Чиний л харцанд шингэх гэж

Чиний л уруулыг үнсэх гэж

Чиний л хайрыг мэдрэх гэж

Миний зүрх өдий болтол эзэнгүй явсан ч юм шиг

Санаж байна чамайгаа би санаж байна

Салхи хөлөглөн чамдаа би очихсон

Бодлоос гардаггүй сайхан чамтайгаа

Бороон дундах болзоонд зогсохсон

Зүрхнээс минь гарах энэ л үгсийг

Зөвхөн чи минь одоо уншаасай

Бүтээл: 1 иймэрхүү юм хийлээ

http://loflof.blog.gogo.mn — Thu, 28 May 2009 23:57:00 ULAST

За тээд ойрд их завгүй байлаа. Завгүй ажлын дундуур нэг иймэрхүү юм хийлээ.

Хөөрөгнийхөө уутыг хүнд бэлэглэсэн болохоор даалин хийж авлаа.

Ар талаасаа нэг иймэрхүү

Бас хүний захиалгаар анх удаагаа олбог гэдэг зүйлийг хийж үзлээ.

1 иймэрхүү гэж ...

Forever...

http://loflof.blog.gogo.mn — Fri, 1 May 2009 14:09:00 ULAST

Гунигтай байноо. Энэ дууг сонссон чинь бүр гунигтай болчлоо. Гэхдээ би энэ дуунд аймар дуртай.

Those days of love are gone

Our time is through

Still I burn on and on

All of my love only for you

From now

Until forever

And ever my darling

Forever

You will always be the only one

As long as I shall live

I'll hold you dear

And I will reminisce

Of our love is through the years

From now

Until forever

And ever my darling

Forever

You will always be the only one

If you should ever need me

Unfailingly, I return to your arms

And unburden your heart

And if you should remember

That we belong together

Never be ashemed

Call my name

Tell me I'm the one you treasure

Forever

And ever my darling

Forever

You will always be the only one

You will always be the only one...

Бүтээл: Би зүгээр л...

http://loflof.blog.gogo.mn — Sun, 19 Apr 2009 21:55:00 ULAST

Би зүгээр л чамайг тэврэх гэсийн

Битгий яваач гэж гэж хэлэх гэсийн

Инээмсэглэх нүдийг чинь харах гэсийн

Энгэрт чинь наалдаад эрхлэх гэсийн

Би зүгээр л чамайг үнсэх гэсийн

Битүүхэн дотроо догдлох гэсийн

Хүний орчлонгийн зовлон жаргалыг мартаад

Хязгааргүй цэнгэлийг мэдрэх гэсийн

Би зүгээр л чамтай учрах гэсийн

Бие сэтгэлээрээ чамд уусах гэсийн

Эцсийн удаа чамайг энхрийлэн тэврээд

Эргэж харалгүй тэгээд явах гэсийн

My birthday

http://loflof.blog.gogo.mn — Tue, 14 Apr 2009 09:50:00 ULAST

За ингээд нэг мэдсэн чинь хорвоод мөрөө гаргаад 60-ын тал руу аймар ойртчихсон байшд. Төрсөн өдөр гэж бодсон чинь гоё ч юм шиг бас муухай ч юм шиг. Хорвоод гишгэсэн мөртэй, дуудуулах нэртэй, эрхлэх аав ээжтэй, эрхлүүлж үнсэх хүүтэй сайхан байноо.

Харин хөгширчийн гэж бодохоор муухай байшүү. Гээд одоо яахуу дээ. Үлгэрт гардаг шиг Үргэлжийн мөнх үзэсгэлэн гоо 25 настай байдаг бол сайхнаа ккк.

Би тортонд аягүй дуртай. Манайхан мэддэг болохоор торт их бэлэглэдийн.

За тээд дараа жил өдийд хөгширкү шүү новшрий шүү гээл суужийх байхдаа ккк.

Чи надад таалагддаг

http://loflof.blog.gogo.mn — Sat, 14 Mar 2009 22:15:00 ULAT

Би гэдэг хүн нилээн эрэгтэйлэг зантай юм шиг байгааен. Манай найзууд ч бас тэгээдээдийн. Хэн нэгэн залуу таалагдвал чи надад таалагдаж байна гээд шууд л хэлчихдэг. Энэ нь эрэгтэй хүнийг их айлгадаг бололтой. Гэвч ингэж хэлж яагаад болохгүй гэж. Эмэгтэй хүн гээд бодлоо нууж явах уу, Ичимхий байх ёстой гээд хүслээ хорьж амьдрах уу. Би ямар түүнээс зангуу шиг наалдаад намайг тоогооч, хараач, хайртай болооч гээд байгаа биш. Бие биедээ таалагдвал сайхан учраад өнгөрч яагаад болку гэж. Залуу сайхан насыг уйтгартай өнгөрөөх онцгүйшд. Үнэхээр надаа таалагдаж байвал намайг харахыг нь хүлээх ядаргаатай санагдаадээдын.

Харин зарим хүмүүстэй хамаагүй харьцдаг болохоор би яаж ч магадгүй хүн шиг санагддаг байх. Гэвч найз гэж бодсон эсүүл таалагддаггүй хүнтэй бол аман дээрээ ангалзаж байгаа ч цагаа тулахаар худлаашд цаа чинь. Ядаж байхад би хүний янзыг үзэх аймар дуртай ккк. Зааз яадын. Намайг мэдэх хүн нь мэддэг л юм чинь хүн юу гэж бодох ямар хамаа байна.

Би бол бороо

Зүгээр ч үгүй зүсэр бороо

Зүрхэнд хүрвэл аадар бороо

Зөөлөрвөл шиврээ бороо... / Энийг би зохиогоогүй шүү. Гэнэт санагдсан болохоор биччилээ /

Бүтээл: Дургүй...

http://loflof.blog.gogo.mn — Wed, 11 Mar 2009 02:00:19 ULAT

Хаварт би дургүй

Хайрт минь надаас явсан болохоор

Халуун зүрх минь эмтэрсэн болохоор

Хаачихаа ч мэдэхгүй шаналсан болохоор

Хаварт би дургүй

Хаварт би дуртай

Хал үзээгүй зүрхэнд хат суусан болохоор

Хайр ямар үнэтэйг мэдэрсэн болохоор

Хорвоогийн үнэн царайг таньсан болохоор

Хаварт би дуртай

Намарт би дургүй

Навчисаа гөвөн гуниглаж уйтгарладаг болохоор

Надтай хамт шаналж уйлдаг болохоор

Нэхэвч ирэхгүй хайрыг санагдуулдаг болохоор

Намарт би дургүй

Намарт би дуртай

Намираа бороо шивэрч сэтгэл аргаддаг болохоор

Наадах сэрүүн салхи нь намайг сэргээдэг болохоор

Нартын үнэнийг ухааруулж амьдралыг мэдрүүлдэг болохоор

Намарт би дуртай...